Гвардиола шогирдлари 1000 та гол урди

“Манчестер Сити” футболчилари “Вест Хэм”га қарши ўтказилган учрашувда рақиб жамоа дарвозасини жавобсиз уч бор ишғол қилди.

Шу тариқа, Хосеп Гвардиола бошқарувидаги жамоа барча турнирларда киритган тўплари сонини 1000 тага етказди.

“Манчестер Сити” бу натижани қайд этиши учун Гвардиола шогирдларини 404 марта майдонга олиб тушган.    

Испаниялик мураббий “шаҳарликлар”ни 2016 йилдан бери бошқариб келмоқда. Бу муддат ичида “Манчестер Сити” кучли бешликнинг барча клублари ўртасида энг кўп гол урган жамоага айланди.

Англия жамоалари орасида гол уриш бўйича манчестерликларнинг энг яқине таъқибчиси бўлган “Ливерпуль” ҳисобида  797 та тўп бор.