Гвардиола шогирдлари бирорта аниқ зарба бера олмаган ўйин ҳақида нималар деди?

"Манчестер Сити" бош мураббийи Пеп Гвардиола Англия Лига кубоги чорак финал босқичи доирасидаги "Саутгемптон"дан учралган мағлубият ҳақида фикр билдирди.

"Яхши ўйин кўрсата олмадик, ғалаба кучлироқ жамоага насиб этди. Жуда оғир баҳс. Унга тайёр эмасдик, кўп жиҳатларда рақиб муваффақиятлироқ ҳаракат қилди.

"Саутгемптон"ни табриклайман. Ғалабани сифатли ўйин орқали қўлга киритиш лозим - бугун биз бунга нолойиқ эдик",-деди испаниялик мутахассис.

Маълумот учун, "шаҳарликлар" беллашув давомида рақиб дарвозаси томон бирорта аниқ зарба йўллай олмади.