Гвардиола "Сити"га "Реал" сардорини олиб келмоқчи
"Манчестер Сити" "Реал" сардори Серхио Рамосни таркибга қўшиб олмоқчи. Бу ҳақда ESPN нашри хабар тарқатмоқда.
Юқоридаги манбага кўра, АПЛ клуби 34 ёшли испаниялик ҳимоячиси ёзда, яъни у эркин агентга айланганида қўлга киритишни режалаштирмоқда. Айтиш керакки, Рамосни шахсан “Сити” устози Хосеп Гвардиола ўз жамоасида кўрмоқчи. Боиси, Пеп Серхионинг мухлиси ҳисобланади.
Рамос жорий мавсум “Реал” сафида 16 та ўйинда майдонга тушди ва 3 та гол ҳамда 1 та голли узатмага муаллифлик қилди.
Фикрлар