Gvardiola uchta darvozabonni nishonga oldi

“Manchester Siti” bosh murabbiyi Xosep Gvardiola va uning murabbiylar shtabi braziliyalik darvozabon Edersonning ko‘rchatkichlaridan norozi bo‘lmoqda.

Shu bois, “shaharliklar” yozda yangi golkiper olib kelishga qaror qilgan. Klub skautlari Italiya chempionatidan uch nafar nomzodni nishonga oldi.

Footmercato nashrining ma’lum qilishicha, “Manchester Siti” vakillarini Mikele Di Gregorio (“Yuventus”), Sion Suzuki (“Parma”) hamda Vanya Milinkovich-Savich (“Latsio”) qiziqtirmoqda.

Bu nomzodlar orasida asosiy nishon Mikele Di Gregorio hisoblanadi. “Manchester Siti” mutasaddilari darvozabon vakillari bidan aloqaga chiqdi. Turin klubi o‘z posbonini qo‘yib yubormoqchi emas. Biroq badal puli “Yuventus”ni qoniqtirsa, bu transferni amalga oshirish imkoni bor.