Гвардиола: "Холанд яна кўпроқ гол уриши мумкин"

Англия Премьер лигаси 17-туридан ўрин олган "Лидс" - "Манчестер Сити" учрашувидан (1:3) кейин ташкил этилган матбуот анжуманида "шаҳарликлар" бош мураббийи Пеп Гвардиола дубль қайд этган шогирди Эрлинг Холанд ҳақида фикр билдирди.

"Биз анча яхши ҳаракат қилдик, айниқса, рақибнинг кўпроқ ҳудудлари очилиб қолган иккинчи таймда.

Жаҳон чемпионатидан сўнг бундай ўйин намойиш этишимизни ҳеч ким кутмаганди. Бугун тўп билан ишлашда ажойиб ҳаракат қилдик. Ярим ҳимояда Льюис ҳамда Родрини тўхтатиб бўлмади.

Холанд етарлига тўп киритмоқда, аммо у янада кўпроқ гол уриши мумкин. Эрлинг бизга жуда катта ёрдам беряпти",-деди испаниялик мутахассис.