Гвардиола Холандни четлатиш талабига муносабат билдирди

Англияда “Манчестер Сити” ҳужумчиси Эрлинг Холанднинг сермаҳсул натижалари шубҳага олиниб, уни “робот” эканини текшириш ва футбол четлатиш бўйича петиция эълон қилинди ва уни икки миллион киши имзолади.

Бу иш ҳазил тариқасида амалга оширилди. Унга “шаҳарликлар” бош мураббийи Хосеп Гвардиола ҳам муносабат билдирди.

- Петиция ҳақида нималар дейишим мумкин? Бу яхши ҳазил бўлди, - деди Хосеп Гвардиола.

Эрлинг Холанд Англия клубидаги дебют мавсумида барча турнирларда 12 та учрашувда жами 19 та тўп киритди ва учта голли пас муаллифи бўлди.