Gvardiola “yangi Messi” kimligini aytdi

“Manchester Siti” bosh murabbiyi Xosep Gvardiola birinchi turda dubl qayd etgan Erling Xolandni sobiq shogirdi Lionel Messiga qiyosladi.

- Menga yoqadigan o‘yin bo‘ldi. Menga murabbiy sifatida Lionel Messi bilan ishlash nasib qilgan. O‘shanda Leo ikkita gol urganda, xet-trikka erishishga harakat qilardi. Uchinchi to‘p kiritganda esa, pokerni ko‘zlardi. Zo‘r to‘purarlar hech qachon qoniqish hosil qilmaydi. Ular doimo golga chanqoq va ko‘proq natija ko‘rsatishga intiladi, - dedi Xosep  Gvardiola.

“Borussiya”dan “Manchester Siti”ga ko‘chib o‘tgan Erling Xoland yangi jamoasi safida ikkita gol urib, jamoasiga safar uchrashuvida “Vest Xem” ustidan 2:0 hisobida g‘alaba keltirdi.

Erling Xoland faoliyati davomida klublar miqyosida 185 ta uchrashuvda maydonga tushib, raqiblar darvozasini 137 marotaba ishg‘ol qilgan va jamoadoshlariga 36 ta golli pas uzatgan.