Гвардиола янги юлдузни кўзлаяпти

“Манчестер Сити” таркибини кучайтириш мақсадида янги ўйинчиларни қидирмоқда. TodoFichajes нашрининг ёзишича, Англия чемпионлари янги юлдузлардан ҳисобланган Хави Симонсни ўз сафига қўшиб олмоқчи.

Нидерландиялик ярим ҳимоячи “Барселона” академиясида тарбияланган. Айни пайтда ПСЖ вакили ҳисобланса-да, ижара асосида “Лейпциг”да ўйнаяпти.

Мутахассисларнинг таъкидлашича, Хосеп Гвардиола Симонсни ўз жамоасига қўшиб олиши осон бўлмайди. Чунки ПСЖ футболчининг янада ўсишига ишонмоқда ва уни ўз таркибида сақлаб қолишни режалаштирган.

“Шаҳарликлар” Симонс учун парижликларга 80 миллион евро таклиф қилмоқчи. Бироқ аксарият манбалар Франция чемпиони бу нархга Хавини қўйиб юбормаслигини таъкидлаяпти.