Гвардиоладан энг кўп жабр чеккан жамоа қайси?

Англия кубогининг чорак финали доирасида “Манчестер Сити” ўз майдонида “Арсенал”ни қабул қилди ва 1:0 ҳисобида ғалаба қозонди. Ўйиндаги ягона голни 64-дақиқада Натан Аке киритди.

Бу Хосеп Гвардиола учун “Сити” бош мураббийи сифатида "канонирлар" устидан қозонилган 18-ғалаба бўлди. Эътиборлиси, 58 ёшли испаниялик мутахассис фаолияти давомида энг кўп мағлубиятга учратган жамоа айнан “Арсенал” ҳисобланади.

Пеп жамоасига энг кўп мағлуб бўлган 5 та жамоа қаторига шунингдек "Бёрнли" (14), "Челси" (13), "Манчестер Юнайтед" (12) ва "Реал" (12) киради.

Бу Гвардиоланинг "Арсенал"га қарши 25-ўйини бўлди. Яна бир қизиқ жиҳати, Лондон клуби унинг фаолиятида энг кўп тўқнаш келган жамоага ҳам айланди. Пеп мураббийлик фаолияти давомида "Челси" билан 24, "Манчестер Юнайтед" билан 22 ва "Реал" билан 21 марта ўйнаган.