Гвардиолага керак бўлмай қолган юлдуз АПЛнинг бошқа топ-клубига ўтиши мумкин

Англиялик қанот ҳужумчиси Жек Грилиш Хосеп Гвардиоланинг "Манчестер Сити"даги режаларидан ўрин олмагани аниқ. Бу ёзда матбуотда 29 ёшли футболчини "Наполи"га ўтиши ҳақида кўплаб хабарлар тарқалган эди, аммо трансфер амалга ошмади.

Шу билан бирга Грилиш АПЛда қолиши ҳам мумкин.  Sports Mole хабар беришича, Жекнинг трансфери бўйича "Тоттенхем" "шаҳарлик"ларга таклиф жўнатган. Бу мавсумолди ўйинларида Жеймс Медисон жароҳат олганидан кейин содир бўлди. Медисон "Нюкасл"га қарши ўртоқлик ўйини охирида майдондан замбилда олиб кетишган.

Нуфузли "Трансфермаркт" портали Жек Грилишни 28 миллион еврога баҳоламоқда.