Гвардиолани Клоппчалик хафа қилган мураббий йўқ!

Англия Суперкубоги учун ўтказилган учрашувда “Ливерпуль” футболчилари мамлакатнинг амалдаги чемпиони “Манчестер Сити”ни 3:1 мағлубиятга учратиб, соврин соҳиби бўлди.

Бу “Ливерпуль” бош мураббийи Юрген Клоппнинг испаниялик ҳамкасби Хосеп Гвардиолага қарши 25-учрашуви сифатида қайд этилди.

Германиялик мутахассис навбатдаги муваффақиятдан кейин Гвардиола устидан қозонган ғалабалари сонини ўн биттага етказиб олди. “Шаҳарликлар” устози эса ўзаро тўқнашувларда 9 марта зафар қучган.

Шу орқали Юрген Клопп Хосеп Гвардиолани энг кўп мағлубиятга учратган мураббийга айланди.