Гвардиоланинг қайсарлиги Роналдунинг трансферига тўсқинлик қиляпти

“Тоттенхэм” юлдузи Ҳарри Кейн ўз жамоасида қолишини эълон қилганидан кейин кўп гол урадиган ҳужумчига эҳтиёж сезаётган “Манчестер Сити” раҳбарлари эътиборини Туриндан кетмоқчи бўлаётган Криштиану Роналдуга қаратди.

“Шаҳарликлар” португалиялик ҳужумчига йилига 15 миллион евро маош кўрсатилган икки йиллик шартнома беришга тайёр. Бироқ, манчестерликлар “Ювентус” сўраётган 25-30 миллион евро миқдорида бадал пули ўрнига ўйинчиларидан бирини бермоқчи.

“Ювентус” анчадан бери Габриэль Жезусни олишни кўзлаб юрибди ва Роналду ўрнига бразилиялик ҳужумчини сўраяпти. Шунга қарамай, Хосеп Гвардиола Жезуснинг кетишига рухсат бермаётгани Роналдунинг трансферига тўсқинлик қиляпти.

Айни пайтда Криштианунинг агенти Жорже Мендеш Туринга келди ва томонларни келиштиришга ҳаракат қилмоқда.