Гюндоган Европада 1-ўринга чиқиб олди

"Манчестер Сити" ярим ҳимоячиси Илкай Гюндоган "Тоттенхэм"га (3:0) қарши ўйинда дубль муаллифига айланди.

Шу тариқа 30 ёшли германиялик футболчи 2021 йилда АПЛда киритган голлари сонини 9 тага етказди ва Европанинг кучли бешлик чемпионатларида жорий йил ҳисоби бўйича энг яхши тўпурарга айланиб олди.

Илкай Гюндоган “Сити” сафида 2016 йилдан буён тўп суриб келмоқда. У жорий мавсум 26 та ўйинда иштирок этди ва 13 та гол ҳамда 2 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)