Гюндоган "Манчестер Сити" билан шартномани узайтирмоқчи

"Манчестер Сити" клуби ярим ҳимоячиси Илкай Гюндоган жамоадан кетишни режалаштирмаяпти.

Goal.com нашри тарқатган хабарга кўра 28 ёшли германиялик футболчи “шаҳарликлар” билан амалдаги шартномани узайтириш борасида музокаралар бошлашга тайёр.

Эслатиб ўтамиз, бундан аввалроқ Гюндоганга Миланнинг “Интер” клубидан жиддий қизиқишлар бўлаётгани ҳақида хабарлар тарқалган эди.

Маълумот учун, Гюндоган жорий мавсум “Манчестер Сити” сафида жами 49та ўйинда майдонга тушди ва ўз ҳисобига 6та гол ҳамда 8та голли узатма ёздириб қўйишга эришган. Унинг “шаҳарликлар” билан амалдаги шартномаси 2020 йилга қадар имзоланган.

Фикрлар

Фикр қолдириш учун авторизациядан ўтинг!