Гюндоган "Сити" билан шартномасини узайтириб, маоши оширилишини хоҳламоқда

"Манчестер Сити" клуби ярим ҳимоячиси Илкай Гюндоган жамоа билан тузган амалдаги шартномасини узайтирмоқчи. Бу ҳақда The Sun нашри хабар тарқатмоқда.

Юқоридаги манбаага кўра 28 ёшли германиялик футболчи “шаҳарликлар” билан амалдаги шартномасини яна 4 йилга узайтирмоқчи ва янги келишувга кўра маоши оширилишини хоҳламоқда.

Маълумот учун, Гюндоган “Манчестер Сити” сафида 2016 йилдан буён тўп суриб келмоқда. У ўтган мавсум АПЛда 31та ўйинда иштирок этди ва 6та гол ҳамда 3та голли узатма ёздириб қўйишга эришди.