Ҳабиб: Дана Уайт яна жанг қилишимни истаганди, кейинги жангларим жуда катта гонорар келтирарди

UFC чемпиони Ҳабиб Нурмагомедов "UFC 254" турнири доирасида Жастин Гэтжини мағлуб этганидан сўнг, фаолиятини якунлагани ҳақида фикр билдирди.

"Кимлардир яна жанг қилишимни хоҳлаяпти, кимлардир қароримни маъқуллаяпти. Албатта, Дана Уайт яна жанг қилишимни истаганди, чунки бу фойда келтиради. Менинг кейинги жангларимдан жуда катта гонорар қоларди.

Аммо мен қарор қабул қилиб бўлдим ва уни ўзгартирмайман. Ўз даврининг чўққисига чиққанида фаолиятини якунлашни ҳар ким ҳам эплолмайди. Бунақаси деярли бўлмаган. Аммо аниқ биламанки, айни вақти етиб келганди. Мен бу спортда энг яхши бўлиш учун етарлича ишлаб бўлдим.

Бугун UFC вазн тоифасидан қатъий назар бўлган рейтингда мени биринчи ўринга қўйди. Вазифа бажарилди!",  - деди Нурмагомедов.