Ҳабиб Нурмагомедов Топурияга муносиб рақиб топди

Енгил вазн(70,3 кг) тоифасида собиқ UFC чемпиони Ҳабиб Нурмагомедов(29-0) промоушеннинг янги ярим енгил вазн(65,8 кг) тоифаси чемпиони Илия Топурия(15-0) учун энг яхши рақиб кимлигини айтди.

Ҳабибнинг фикрича, Илия мағлубиятсиз келаётган Мовсар Евлоев(18-0)га қарши жанг қилиши керак. Шунингдек, Ҳабиб UFC бош директори Дана Уайт Мовсарга чемпионлик жангини берадими ёки йўқми, деган саволни ҳам ўртага ташлади.

"Мовсар Евлоев - Илия Топурия учун энг яхши рақиб. Лекин Дана Уайт Мовсарга чемпионлик жангини берадими ёки йўқми, билмайман. Менинг фикримча, Евлоев бундай имкониятга лойиқ", - деди Ҳабиб ММА Junkie нашрига берган интервьюсида.