Ҳабиб Нурмагомедов Зубайра Тухуговга юқори баҳо берди
Тухугов навбатдаги жангида Ҳаким Даводуга қарши октагонга кўтарилади.
UFC чемпиони Ҳабиб Нурмагомедов ҳамюрти ва яқин дўсти Зубайра Тухугов спаррингларга жуда жиддий ёндашишини таъкидлади.
Ҳабиб Зубайранинг Инстаграмдаги саҳифасига жойлаган расмининг остига "У билан спарринг - бу уруш", дея изоҳ қолдирган.
Маълумки, Тухугов навбатдаги жангида канадалик Ҳаким Даводуга қарши октагонга кўтарилади. Ушбу қарама-қаршилик 19 сентябрь куни “UFC 253” турнири доирасида бўлиб ўтади. 29 ёшли россиялик жангчи фаолияти мобайнида 24 та жанг ўтказган ва уларнинг 19 тасида ғалаба (7 та нокаут), тўртта мағлубият ва битта дуранг қайд этган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар