Ҳаким Фузайлов: "Яхши ўйнасак, натижа ҳам келаверади"

Ўзбекистон чемпионати 1-тури доирасида сафарда "Турон" устидан ғалаба қозонган "Бухоро" клуби бош мураббийи Ҳаким Фузайлов ўз фикрлаини билдириб ўтди. 

"Авваламбор, чиройли ўйин учун барча футболчиларга миннатдорчилик билдираман. Улар бугун майдонда борини бериб ҳаракат қилди. Қийин учрашувда қийин ғалабага эришдик. Мавсум аввалида нима ҳам дея олардик. Яхши ўйнасак, натижа ҳам келаверади.

Рақиб бизга таниш ва уларга қарши ўтган мавсумда ҳам ўйнагандик. Улар ҳақида етарлича маълумотларимиз бор. Аммо, мавсум аввалида уларнинг қандай ҳолатда экани ҳақида тасаввуримиз йўқ эди.

Янги футболчилар ҳақида гапирадиган бўлсам: Станисавиевич яқинда келиб қўшилган бўлса ҳам яхши футболчи эканлигини кўрсатди. Унга биздан бошқа яна ҳаридорлар бор эди. Йиғинларда бироз жароҳат олгани боис, ҳали тўлиқ ўйин амалиётига эга эмас", - деди Фузайлов.