Сўнгги икки мавсумни “Боруссия” Дортмунд сафида ижарада ўтказган “Реал” ҳимоячиси Ашраф Ҳакими жамоадошлари ва мухлислари билан хайрлашди.

“Ҳаётимнинг ажойиб даври якунланди. Икки йиллик фаолиятимдан сўнг менга жуда кўп қувонч бағишлаган жамоадан кетяпман. Аввал бошиданоқ шаҳар аҳли ва жамоадагилар менга мамнуният билан қарши олишди.

Мен жамоадошларимга, мураббийлар штабига ва клуб ходимларига доимий равишда менга билдирган муҳаббати ва ишончлари учун миннатдорчилик билдирмоқчиман. Бундан ташқари, ҳар қандай ўйинда бизни қўллаб-қувватлаган ажойиб мухлисларга раҳмат айтмоқчиман. Мен сариқ деворни ҳеч қачон унутмайман”, - дейди марокашлик футболчи.