Ҳамиджон Актамов:

Чемпионатнинг 7-туридаги “Қизилқум” – “Навбаҳор” ўртасидаги учрашув Навоийда эмас, балки Муборакда ўтказиладиган бўлди. Бу борада “Қизилқум” бош мураббийи Ҳамиджон Актамов sports.uz мухбирига шундай деди:

- “Навбаҳор”га қарши тайёргарлигимиз яхши кетяпти. Марказий стадионимизнинг чимини 10-15 фоизга алмаштирдик. Бу ишни бажарганимизга бир ой бўлди. Яна 10 кунларда зўр бўлиб кетади. Шунинг учун бироз вақт керак. Битта ўйинни деб майдонимизнинг ҳолатини ёмонлаштириб олмоқчи эмасмиз. Шу боисдан, қийин бўлса ҳам, “Навбаҳор” билан ўтадиган учрашувимизни Муборакка кўчиришга мажбур бўлдик, - деди Актамов. 

- Нима учун Муборак?

- Бизда бошқа вариант йўқ эди. Навоийга Муборак яқин эди. “Бухоро” жамоаси эса ҳали ўз майдонида ўйнаётгани йўқ.

- “Навбаҳор” билан беллашувни Наманганда ўтказиб, иккинчи даврада Навоийда ўйин ўтказилиши ҳам мумкин эдими?

- Ҳа, мумкин эди. Биз бу ҳақида “Навбаҳор”га таклиф билан чиққандик. Лекин улар нимагадир жавоб бермади.

Матнда хатолик топсангиз, ўша хатони белгилаб, бизга жўнатинг (Ctrl + Enter)