Ҳаммани қизиқтираётган савол: Ўзбекистон терма жамоасининг ярим финал учрашуви қачон ва қаерда ўтказилади?

Аввал хабар берганимиздек, U20 Осиё чемпионати ярим финалига чиққан ва жаҳон чемпионати йўлланмасини қўлга киритган Ўзбекистон терма жамоаси навбатдаги босқичда Жанубий Корея ва Хитой учрашуви ғолибига қарши баҳс олиб боради.

Айтиш керакки, терма жамоамизнинг финал остонасидаги ўйини 15 март санасига белгиланган. Ушбу ярим финал учрашуви ҳам Тошкентдаги “Миллий” стадионда бўлиб ўтади. Ўйин соат 19:00 да бошланади.