Ҳаммаси тамом! Винисиус янги жамоага ўтади

“Реал”нинг энг машҳур футболчиларидан Винисиус Жуниор фаолиятида жиддий ўзгариш ясашга қарор қилди. 24 ёшли ҳужумчи ўз агентидан унга бошқа жамоа топиб қўйишни сўради.

Винисиус Жуниорни бош мураббий Хаби Алонсонинг унга бўлган муносабати қониқтирмаяпти. Бразилиялик юлдуз жамоанинг асосий фигураси бўлишни истайди ва шунга яраша ваколатларга эга бўлишни истайди.

Футболчининг таъкидлашича, Хаби Алонсо уни асосий ўйинчи мақомида кўрмаяпти ва бу вазият қисқа фурсатда ўзгармаса, бу клубни тарк этишга сабаб бўлади.

Испания чемпионатининг ўйинчи туридан ўрин олган “эл-класико”да Хаби Алонсо 72-дақиқада Винисиус Жуниорни захирага олгани легионерга ёқмади. Ҳужумчи мураббийлар штабига эътироз билдириб, жамоадан кетишини айтган ва Хаби Алонсга қўл бермай, тўғри ичкарига кириб кетган.