Ҳамзат Чимаев билан жанг қиладиган янги рақиб топилди

Ўрта вазн тоифасидаги америкалик Жаред Канноньир(17-6)  Ҳамзат Чимаев (13-0) билан жанг қилиш истагини билдирди.

“Улар Ҳамзатнинг, Ҳамзат ҳам ўзининг чемпион бўлишини жуда хоҳлайди. Шунингдек, мен ҳам камар учун курашмоқчиман. Агар ҳозир яна титул олмоқчи бўлсам, навбатдаги рақиб – Чимаев билан албатта, жанг қиламан”, – деди Канноньир Жеймс Линчнинг You Tube каналига берган интервьюсида.

Эслатиб ўтамиз, 39 ёшли Канноньир ўтган йилнинг июнь ойида Марвин Ветторини мағлуб этгандан бери октагонда чиқмади.