Ҳарри Кейн ўзига янги жамоа танлади

“Тоттенхэм” сафида совринлардан қуруқ қолиб келаётган Ҳарри Кейн ниҳоят қадрдон клубини тарк этишга қарор қилди.

29 ёшли футболчининг “шпорлар” билан шартномаси 2024 йили якунланади. Агар ёзда уни 100 миллион евро атрофидаги маблағга сотиб оладиган жамоа топилмаса, англиялик тўпурар 2024 йилнинг ёзига эркин агент сифатида кетади.

Ҳарри Кейн “Тоттенхэм” билан шартнома тузмасликка қарор қилди. Энди клуб пул йўқотмаслик учун уни ёзда сотишга мажбур бўлади.

Маълумотларга қараганда, Ҳарри Кейн фақат бир жамоа – “Реал”да тўп тепмоқчи. Мадридликлар ҳам унинг даражасидаги тўпурарга муҳтож. Чунки “Қироллик клуби” 35 ёшли Карим Бенземага муносиб ўринбосар қидирмоқда.