Ҳарри Кейн рақиб жамоага ўтиб кетмоқчи

Англия терма жамоаси ва “Тоттенхэм” клуби тўпурари Ҳарри Кейн анчадан бери бошқа жамоага ўтмоқчи бўляпти.

Тажрибали ҳужумчи “Тоттенхэм” сафида нуфузли совринларни қўлга кирита олмаётганидан норози. Жозе Моуриньо шогирдлари бу мавсумни қуруқ якунлайдиган бўлиб турибди.

“Тоттенхэм” президенти Даниэль Леви Кейнга қиммат нарх қўйган ва уни Англиядан ташқарига сотишга рози. Ҳарри Кейн трансферини фақат ПСЖ кўтара олиши айтилмоқда.

27 ёшли футболчи эса, Англияни тарк этмоқчи эмас. У ўзига қизиқиш билдираётган Манчестернинг икки клубидан бирига ўтмоқчи.

Ҳарри Кейнинг лондонликлар билан ҳамкорлиги 2024 йилнинг ёзигача давом этади. Ҳужумчи жорий мавсумда премьер-лигада 29 та учрашувда 19 та гол уришга эришди.