Haydarov: "Imkoniyatimiz bor va kurashishda davom etamiz"

Argentina yashil maydonlarida bo‘lib o‘tayotgan 20 yoshlilar o‘rtasidagi Jahon chempionitining 2-tur uchrashuvlari start oldi. Unda vakillarimiz Yangi Zelandiyaga qarshi maydonga tushdi. Dastlab raqiblar Bomurodov darvozasini ikki marta ishg‘ol qilgan bo‘lsa, Fayzullaev va Esanov hisobni tenglashtirib ketdi. Mazkur o‘yindan keyin jamoa bosh murabbiyi Ravshan Haydarov o‘z fikrlari bilan o‘rtoqlashdi.

"Albatta biz ochko yo‘qotdik. Gurhdagi holatimiz yana jumboqligicha qolmoqda. Ammo uchrashuvga jiddiy e’tibor qaratgandik. Yangi Zelandiya o‘zida bosim yo‘qligini his qilib, asosan qarshi hujumlarda o‘ynadi va ular ikkita xatoyimizni golga aylantirib ketdi. O‘yinni biz nazorat qildik, vaziyatlar yaratdik, gollar urdik, lekin unda juda kech edi. So‘nggi daqiqalarda o‘yinni kuchaytirishga erishdik. Harakat qilishda davom etamiz. Imkoniyat bor va o‘sha imkoniyat uchun kurashamiz", - dedi Haydarov.

Eslatib o‘tamiz, O‘zbekiston terma jamoasini 3-turda Gvatemalaga qarshi bahs kutib turibdi.