Ҳеч қайсинг дам олмайсан! Мареска ёш болаларга ютқазган “Челси”нинг асосий таркиб ўйинчиларини жазолади

“Челси” бош мураббийи Энцо Мареска асосий таркиб ўйинчилари учун режалаштирилган дам олиш кунларини бекор қилди.

Гап шундаки, асосий таркиб ўйинчилари 21 ёшгача бўлган жамоа билан ўртоқлик учрашувида майдонга тушган. Ёшлар сафида U-16 жамоаси вакиллари ҳам тўп тепган. Шунга қарамай, асосий таркиб ўйинда ютқазиб қўйган.

The Athletic нашрининг ёзишича, беллашув 90 дақиқадан кўпроқ давом этган. Бу учрашувда ўз мамлакатлари терма жамоаларига жалб қилинмаган асосий таркибнинг барча ўйинчилари қатнашгани айтилмоқда.

“Челси” жорий мавсумда 29 та учрашувдан кейин Премьер-лигада тўртинчи ўринни эгаллаб турибди ва Европа Чемпионлар лигаси йўлланмаси учун курашмоқда.