Here we go! Де Лигт "Манчестер Юнайтед" футболчиси

"Манчестер Юнайтед" трансферлар ойнасидаги фаоллигини оширди. Клуб яна бир харидни амалга оширишга яқин турибди. 

Фабрицио Романо хабар беришича, Маттейс де Лигт бўйича "қизил иблислар" ва "Бавария" келишувга эришди. Ҳимоячи учун Англия гранди 45+5 миллион евро тўлайди. Шунингдек, футболчи билан 5 йиллик шартнома имзоланади. 

Де Лиг тез орада тиббий кўрикдан ўтиш учун Манчестерга йўл олади. 24 ёшли нидерландиялик анчадан бери бу клубга ўтишга ҳаракат қилиб келаётганди. Унинг "Бавария"ни тарк этиш эҳтимоли мавсум якунланмасидан олдин ҳам бор эди. 

Эслатиб ўтамиз, Маттейс 2022 йили "Ювентус"дан Германия клубига 67 миллион евро эвазига кўчиб ўтганди.