
Here we go! Felish "Chelsi" futbolchisi
Transfer huquqi "Atletiko"ga tegishli bo‘lgan Joau Felish APLga qaytish arafasida turibdi. Uni "Chelsi" o‘z safiga qo‘shib olishga yaqin, deya xabar bermoqda insayder Fabritsio Romano.
Ma’lum bo‘lishicha, tomonlar kelishuvga erishdi. Ikkala klub ham ushbu transferga rozi. Futbolchi bilan 6 yillik shartnoma imzolanadi. Shuningdek, bitimni yana bir yilga uzaytirish imkoniyati ham bor.
Joau tez orada tibbiy ko‘rikdan o‘tish uchun Londonga yo‘l oladi. Uning transferi yaqin 24 soat ichida e’lon qilinish ehtimoli ham yo‘q emas.
24 yoshli portugaliyalik vinger 2022/23 mavsumni aynan "aristokratlar" safida o‘tkazgandi. U o‘sha paytda ijara asosida harakatlangan. Shundan keyin u "Barselona"da o‘ynab, "Atletiko"ga qaytgandi.
Fikrlar