Here we go! "Ювентус" "Аталанта" ярим ҳимоячисини ўз таркибига қўшиб олмоқда

"Аталанта" ярим ҳимоячиси Тён Копмейнерс "Ювентус"га кўчиб ўтмоқда. 

Фабрицио Романо хабар беришича, томонлар келишиб олишди. Ушбу трансфер учун туринликлар 52+7 миллион евро тўлайди. Футболчи билан эса 5 йиллик шартнома имзоланади. 

Копмейнерс чоршанба куни эрталаб тиббий кўрикдан ўтиши кутилмоқда. Агарда "Аталанта" ҳужжатларга бугун қўл қўйса, шу ондаёқ нидерландиялик ярим ҳимоячи йўлга отланади. 

Эслатиб ўтамиз, Тён 2021 йили "АЗ Алкмар"дан 14 миллион евро эвазига бергамоликлар таркибига келиб қўшилганди.