Hojimat Erkinov: "Chempionlar Ligasida muxlislarimizni quvontiradigan o‘yin ko‘rsatishga harakat qilamiz"

Ko‘plab takliflarni chetga surib, taqdirini "Paxtakor" bilan bog‘lagan Erkinov klub matbuot xizmatiga intervyu berdi.

Hojimat qadrdon klubiga qaytishi xususida shunday fikr bildirdi:

- Meni tarbiyalagan qadrdon jamoam "Paxtakor"ga qaytganimdan xursandman. Superliganing ikkinchi davrasida chempionlik an’anasini davom ettirishda yordam berishni xohlayman. Chempionlar Ligasida ham muxlislarimizni quvontiradigan o‘yin ko‘rsatishga harakat qilamiz.

Bor kuchim bilan klubimga yordam berishga intilaman. Ishqibozlarni mavsumning ikkinchi qismida chiroyli futbol bilan quvontiramiz degan umiddaman".