Ҳозирча, у “Рома”га ёрдам беролмайди
“Рома” сардори Лоренцо Пеллегрини Португалиядаги йиғин давомида маҳаллий “Каса Пиа” жамоасига қарши ўтказилган ўртоқлик учрашувида жароҳат олган эди.
26 ёшли футболчи тиббий кўрикдан ўтказилди. Лоренцо рақиб билан тўқнашув оқибатида болдиридан шикастланган.
Энди Пеллегрини жароҳатдан қутилиш учун бир неча кун давомида индивидуал тарзда шуғулланади ва шу билан бирга тиббий муолажани давом эттиради.
“Рома” етакчиси янги йилдан кейин умумий гуруҳ машғулотларига қўшилиши айтилмоқда.
Пеллегрини жорий мавсумда жами 21 та учрашувда майдонга тушиб, олтита гол ва еттита ассист қайд этди.
Фикрлар