Ҳужумчининг бу ишидан ҳимоячилар ўлгудек қўрқади

Англия терма жамоаси собиқ ҳимоячиси Рио Фердинанд “Реал” ҳужумчиси Винисиус Жуниорнинг ўйини рақибга катта муаммо туғдиришини изоҳлаб берди.

Таниқли футболчи бразилиялик истеъдод эгасини машҳур ҳамкасблари – Килиан Мбаппе ва Эрлинг Холанд билан солиштирди. Бундан ташқари, Маркус Рэшфорд ва Букайо Сака имкониятларига юқори баҳо берди.

- Ҳозир Винисиус Мбаппе ва Холанддан бир поғона пастда. Шундай эмасми? Рэшфорд ва Сака уларнинг даражасига етишга ҳаракат қилмоқда.

Лекин Винисиус Чемпионлар лигаси савиясига жавоб беради ва жамоасининг муҳим ижрочиси сифатида бу турнирда ғолиб чиқади.

Замонавий футболда энг муҳим сифат – тезлик. Тезлик рақибни “ўлдиради”. Винисиуснинг тезлиги ҳар қандай ҳимоячига қўрқув солади. Чунки Винисиус тезлигидан қандай фойдаланишни билади. Ажойиб футболчи, - деди Рио Фердинанд.