"Ҳумо" бош мураббийи бугунги ғалабадан сўнг нималар деди?

Тошкентнинг "Ҳумо" жамоаси ўз майдонида Самаранинг ЦСК ВВС клубига қарши баҳс олиб борди ва овертаймда рақибидан 4:3 ҳисобида устун келди. Учрашувдан сўнг мезбонлар устози Евгений Попихин ўз фикрларини билдириб ўтди.

"Сўнгги дақиқада шайба киритиб, иродали ғалабани қўлга киритдик. Йигитларга ечиниш хонасида раҳмат айтдим. Рақиб жуда кучли ўйин намойиш этди. Улар яккакурашларда кўпроқ устун келишди, тезроқ ҳаракат қилишди. Бизда эса 6 хоккейчида саломатлиги билан боғлиқ муаммоси бор эди.

Иккинчи даврда эса зоналарни ёпишди, бизга бироз омад ҳам ёрдам берди. Учинчи даврда биринчи бўлиб ўз дарвозамиздан шайба олиб чиққан бўлсакда, сўнгги сонияларга қадар курашдик. Бу эса хоккейда доим ўз мевасини бериб келган. Муҳими ғалаба қозондик. Бугун аренага кўплаб мухлислар йиғилди ва улар хоккейда кўриш мумкин бўлган барча нарсаларни гувоҳи бўлиб, завқ олишди.

Роман Смирягиннинг аҳволи қандай? Мен бугун ўйнашга тайёрман деган ҳар бир хоккейчига имконият бераман. Россия ёшлар терма жамоасида ишлаганимда Швецияда Жаҳон чемпионати бўлган эди ва ярим финал олдидан Виталий Аникеенконинг тана  ҳарорати 38 градусга етган эди. У эса менга шведларга қарши ярим финалда ўйнаш бир умрлик орзуси бўлганлигини айтди. Мен эса уни музга ташладим. Якунда ўша баҳснинг энг яхши хоккейчиси бўлди. Афсуски, у 2011 йил Ярославлнинг "Локомотив" жамоаси сафида авиаҳалокатда вафот этди. Спортда баъзан шунақаси ҳам бўлади. Смирягин ҳам бугун ўйнади ва энг яхшилардан бири бўлди", - деди Попихин.