"Ҳумо" "Ҳумо-Арена"да машғулотларга киришди

Янги мавсумдан Олий Хоккей лигасида фаолият олиб борадиган Тошкентнинг "Ҳумо" хоккей клуби кечадан пойтахтимизда машғулотларга киришди. Евгений Попихин бошқарувидаги жамоа "Ҳумо Арена"да янги мавсум учун тайёргарликни давом эттирмоқда.

Маълумот учун, "Ҳумо" 7-11 август кунлари Россия Федерациясининг Нижегород вилоятида бўлиб ўтадиган халқаро турнирда қатнашади. Шунингдек, мазкур турнирда "Динамо" (Москва), "Торпедо" ва "Динамо" (Минск) жамоалари ҳам иштирок этиши режалаштирилган.