"Ҳумо" хоккей клуби халқаро турнирда иштирок этади
Shahzod
Жорий йилнинг 16-21 август кунлари Россия Федерациясининг Санкт-Петербург шаҳрида Николай Дроздецкий хотирасига бағишлаб ўтказиладиган мавсумолди турнири бўлиб ўтади.
Мазкур мусобақада Тошкентнинг "Ҳумо" хоккей клуби ҳам иштирок этади. Шунингдек, ушбу турнирда Олий хоккей лигасининг "СКА-Нева", "Динамо" (Санкт-Петербург), "Кимёгар" (Воскресенск), "Сариарка" (Қарағанда) ва "Нефтчи" (Альметьевск) жамоалари ҳам иштирок этишади.
Мусобақа тақвими кейинроқ эълон қилинади. Маълумот учун, ўтган мавсум ушбу мусобақада Питернинг "Динамо" клуби ғолиб чиққан эди.
Эслатиб ўтамиз, "Ҳумо" жорий йилдан Олий хоккей лигасида (ВХЛ) иштирок этади.
Изоҳлар (0)