Ҳусанов бугун асосий таркибда майдонга тушиши мумкин, лекин...

Хабарингиз бор, бугун "Ланс" ўз майдонида "Брест"ни қабул қилади. Мазкур баҳс учун жамоанинг қайдномаси эълон қилинди. Ундан Абдуқодир Ҳусанов ҳам жой олди. 

Қайдномага Факундо Медина киритилмаган. Сабаби, аргентиналик ҳимоячининг чемпионат доирасида олган сариқ карточкалари кўпайиб кетди ва у энди битта ўйинни ўтказиб юборишига керак бўлади. 

Мединанинг ўрнига эса Ҳусанов асосий таркибда ўйнаши кутилмоқда. Аммо бугун биринчи бор Абдуқодир ҳимоя учлигининг чап томонидан жой олишига тўғри келади. Ҳимоячимиз асосан ўнг қанотдан уйиштириладиган ҳужумларга жавоб бериб келган. Фақатгина "Фрайбург"га қарши учрашувда марказда ҳаракат қилган. 

Эслатиб ўтамиз, "Ланс" - "Брест" ўйини Тошкент вақти билан 01:00да старт олади.