Ҳусанов дебютини амалга оширган баҳсда "Ланс" мағлубиятга учради

Франция чемпионатининг 4-туридан ўрин олган "Ланс" - "Мец" баҳси меҳмонларнинг 0:1 ҳисобидаги ғалабаси билан тугади. 

Ўйиннинг 37-дақиқасида Асоро боши билан гол уриб, жамоасини олдинга олиб чиқди. Учрашувда бошқа гол урилмади ва ҳисоб 0:1 ҳолида тугади. Мазкур учрашувда Абдуқодир Ҳусанов дебютини амалга оширди. 

Ушбу мағлубиятдан кейин "Ланс" турнир жадвалида 17-ўринга тушиб кетди.