Ҳусановнинг трансфери қачон эълон қилиниши маълум

"Манчестер Сити" тез орада Абдуқодир Ҳусанов трансферини эълон қилади. Бу ҳақда Фабрицио Романо маълум қилди.

Романонинг сўзларига кўра, клуб Ҳусанов билан тиббий кўрик, шартнома имзолаш ва расмий ҳужжатларни тайёрлашни режалаштирмоқда. Бу жараёнлар 24-48 соат ичида якунланади.

Маълумотларга асосланган ҳолда, "шаҳарликлар" мазкур трансферни 48 соатдан узоқ бўлмаган вақт оралиғида расман эълон қилади.

Эслатиб ўтамиз, ҳимоячининг трансфери бонуслар билан бирга 40+10 миллион евро эвазига 4,5+1 кўринишида имзоланади.