Иан Гарри: "Ҳозир фақат битта жанг мени қизиқтиради"

Агар Ислом Махачев кейинги жангида Карлос Пратесга қарши ярим ўрта вазндаги UFC камарини ҳимоя қилса, Иан Гарри мағлубиятни билмай келаётган Майкл Моралес билан октагонга чиқишдан маъно кўрмоқда.

"Ҳозир фақат битта жанг мени қизиқтиради. Бу Майкл Моралес билан тўқнашув. Уни мағлуб этганимда, Ислом билан реваншга лойиқ ягона одам мен бўламан", - деди ирландиялик спортчи "Eze Talks Спортс"га берган интервьюсида. 

Эслатиб ўтамиз, Махачев "UFC 330" турнирида  Гарридан ҳакамларнинг якдил қарорига кўра устун келди.