Иан Райт: "Арсенал"нинг ҳимоядаги ҳаракатлари жиддий хавотир уйғотади – жамоа жуда статик эди"

Англиянинг машҳур футбол шарҳловчиси ва "Арсенал" афсонаси Иан Райт ўз собиқ жамоасининг АПЛнинг 35-турида "Борнмут"га қарши ўйинидан сўнг (1:2) кескин норозилик билдирди.

"Икки гол ҳам жуда осон келди. Мен йигитларни ерга уришни истамайман – уларни нима кутяпти, мен биламан. Бу улар учун жуда катта аҳамиятга эга. Лекин шунга қарамай, яхшироқ ўйнаш керак.

Биринчи гол – яхши зарба, лекин ҳимоядаги хато аниқ. Ҳар икки ҳимоячи ҳам зарба бериш арафасидаги футболчини кузатмаяпти. Бу жуда ғалати эди, айниқса, "Арсенал"нинг ҳимояда қанчалик меҳнат қилувчи жамоа эканини била туриб. Лекин бу мавсумда улар стандарт вазиятларда самарали ҳаракат қила олишмади.

Шу босқичда шундай икки гол ўтказиш — кўнгилни чўктирувчи ҳолат. Жамоа чарчаган, бу аниқ – жисмонан ҳам, маънан ҳам. Лекин охирги босқичда ҳаракат кучайтирилиши керак. Иккинчи голда ҳеч ким курашмади. Гол аъло даражада, лекин Эдегор бутунлай реакциясиз бўлди – у топни эмас, одамни кузатди.

Агар у юзи билан вазиятга қараганида, балким Льюис-Скелли каби позицияни тўғри эгаллаб, вазиятни тўхтата оларди. У ҳатто вазиятнинг яқинида бўлса ҳам, ҳеч нарса кўрмади.

Энг катта хавотир – жамоанинг статик бўлиб қолгани. Бизда Габриэль йўқ, у ўйинни ташкил қилиш ва агрессивликни оширишга ёрдам берган бўларди. Лекин ушбу вазиятларда ҳеч ким курашмади. Ҳаммаси жуда осон бўлиб кетди. Бу ёмон ҳимоя" – деди Райт Premier League Productions эфирида.