Ибрагимович 3 йилга футболдан четлатилиши мумкин!?

"Милан" клуби ва Швеция терма жамоаси ҳужумчиси Златан Ибрагимович футбол билан боғлиқ ҳар қандай фаолият туридан узоқ вақтга четлатилиши мумкин. Бунга ФИФА ва УЕФА томонидан белгиланган қоидаларнинг қўпол равишда бузилгани сабаб. 

Гап шундаки, 39 ёшли швед 2018 йилдан бери Bethard букмекерлик идорасининг 10 фоиз улушига эга. У тўлиқ ўзига тегишли бўлган Unknown AB фирмаси орқали Bethard букмекерлик компаниясига бўлган ҳуқуқларга эгалик қилади.

A Quick Review of the Betting Company Bethard - MrFixitsTips

ФИФА ва УЕФА қоидаларига кўра, агар футболчилар букмекерлик идораларида қизиқишлари бўлса, уларнинг шаъфелигида ўтказиладиган мусобақаларда иштирок эта олмайди. Златан эса, "Милан" сафида Европа лигасида ўйнаган ва Швеция терма жамоаси сафида “ЖЧ-2022” саралаш баҳсларида майдонга тушди ҳамда ушбу қоидани бузди.

Ўз навбатида, Bethard букмекерлик идораси Ибрагимович ҳали ҳам компаниянинг улушига эгалик қилишини тасдиқлади.

Ибрагимовича могут отстранить от футбола на срок до 3 лет

Айтиш лозимки, қоидаларнинг тегишли бандини бузганлиги учун футболчи 100 минг еврогача жаримага тортилади ва 3 йилгача футбол билан боғлиқ ҳар қандай фаолиятдан четлаштирилади.

Энг ёмони, Bethard Ибрагимович иштирок этган Швеция терма жамоасининг Грузия ва Косовога қарши ўйинларига гаровлар таклиф қилди. Бундан ташқари, ушбу букмекерлик компанияси мунтазам равишда А Серия ўйинларига ҳам гаровлар таклиф қилади.

Қайд этиш керакки, Швеция футбол федерацияси бу ҳақда бир неча йиллардан бери билади.

Ҳозирча ФИФА ва УЕФА вазиятга изоҳ беришдан бош тортмоқда.

Could Zlatan Ibrahimovic return to the Sweden team for Euro 2020? | Marca

Златан Ибрагимович “Мальмё” клуби тарбияланувчиси ҳисобланади. У ўзининг илк профессионал шартномасини ҳам айнан мана шу жамоа билан тузган. У фаолияти давомида “Аякс”, “Ювентус”, “Интер”, “Барселона”, “Милан”, ПСЖ, “Манчестер Юнайтед”, “Лос-Анжелас Гэлакси” каби клубларда тўп сурган.

Ибрагимович Швеция терма жамоасида 2001 йилдан буён тўп суриб келмоқда. У 2016 йилда терма жамоадаги фаолиятини якунлагани ҳақида эълон қилди. Аммо 2021 йилга келиб, у яна терма жамоага қайтди. Златан Швеция термасида жами 118 та ўйинда майдонга тушган ва ушбу ўйинларда ўз ҳисобига 62 та гол ёздириб қўйган.

Златан Ибрагимович и BetHard

Умид қиламизки, яна бир неча йиллар ушбу афсонавий футболчини яшил майдондаги фантастик ҳаракатларининг гувоҳи бўламиз.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Akbarali Abdunazarov
15/04/2021 05:10
Шу карияга тегманглар кани яна неча йил уйнаркан

Минбар

Барча блоглар