Игнатий Нестеров: Ҳозирги пайтда ўйинларга 60-70 фоиз тайёрмиз... Aслида каратиндан сўнг бир ой берилса яхшироқ бўларди

15 июнь куни “Локомотив” ўз майдонида “Металлург”ни қабул қилади. “Темирйўлчилар” бу ўйинга тайёргарликни жиддий тарзда давом эттиришмоқда. Жамоа сардори Игнатий Нестеров клуб матбуот хизматига берган интервьюсида карантиндан кейинги машғулотлар қандай кетаётгани, бўлажак рақиб ҳамда ҳозирги ҳолати ҳақида гапирди.

Тайёргарлик ҳақида

- Карантиндан сўнг бирданига машғулотларга қайтиш қийин бўлди. Бунгача икки ойдан кўпроқ вақт мобайнида уйда қолиб шуғулланган бўлсакда, барибир майдондагисидан фарқ қилади. Чунки биз майдонда яна аввалги формани тиклаш учун ишлаймиз. Лекин ҳаракат қиляпмиз, машғулотлар яхши ўтяпти. Хоҳиш ва меҳнат евазига аста-секин ўзимизга келяпмиз.

Жамоа ҳақида

- Жамоамиз яхши, ҳамма ишлаяпти. Лекин ҳозирги пайтда ўйинларга 65-70 фоиз тайёрмиз деб ўйлайман. Умуман карантиндан сўнг барча жамоалар бир хил ҳолатда. 100 фоиз тайёр бўлиш учун вақт керак бўлади. Чемпионатни охиригача етказиш учун тақвим тез ишлаб чиқилди. Aслида каратиндан сўнг бир ой берилса яхшироқ бўларди. Биз эса профессионал сифатида қоидаларни ҳурмат қиламиз ва иложи борича жароҳат олмасликни хоҳлаймиз.

Иккита ўртоқлик учрашуви ҳақида

- Суперлига рестартига қадар иккита ўйинда майдонга тушдик. Биринчиси AГМК билан кечди ва бунда эътибор жамоа бир-бирини қанчалик тушунишига қаратилди. Биз муҳими майдонни, тўпни, ўйинни ва шерикларимизни ҳис қилиб олишимиз лозим эди. Бу ўйинда майдонга чиқиб ютинглар деган вазифа қўйилмади. Иккинчи баҳсни “Сурхон”га қарши ўтказдик ва бунда юз фоиз кучни сарфлаб ғалабага эътибор қаратдик.

“Металлург” ҳақида

- Навбатдаги турни ўз майдонимизда “Металлург”га қарши ўтказамиз. Бу жамоа ҳақида нима дейишим мумкин? Уларда яхши мураббийлар штаби иш олиб боряпти. Жамоа ҳам чакки эмас. Менимча, ўйин яхши кечади. Биз биринчи рақамли бўлиб ўйнаймиз, рақиб эса қарши ҳужумларда ўз кучини синаб кўради. “Металлург” ўртоқлик учрашуви ўтказдими-йўқми, бундан хабарим йўқ. Лекин бизга қарши иккинчи рақам бўлиб ҳаракат қилса керак.

«Локо» ўз ўйинини топиб олиши ҳақида

- Бу бирданига осон бўлмайди. Бизга кўпи билан 5-6та ўйин керак бўлади. Жамоа яна энг яхши формасига чиқиб олиши учун ҳаракат қиламиз.

Ўз ҳолати ҳақида

- Ўзим ҳақимда нима десам бўлади? Менимча, қандай ишлаётганим четдан яхшироқ кўринса керак. Ҳамон меҳнат қилишда давом этяпман ва ўзимни яхши ҳис қиляпман. Дарвозабон эканлигимдан келиб чиқиб гапирадиган бўлсам, бўшашишга ҳаққим йўқ. Чунки ўйин пайтида дарвозабон майдонда битта бўлади. Буни жуда яхши тушунаман.

Жавоҳир Илёсов ҳақида

- Жавоҳир ҳам кўп меҳнат қиляпти. Рақобатда ютқазаётган жойи йўқ. У ҳам жуда тиришқоқ ва ишдан қочмайдиган йигит. У менга, мен унга рақобатчиман. Умуман олганда, Илёсов мен учун яхши ҳамкасб ва яхши рақобатчи.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Kind Prince
12/06/2020 22:34
Uzbda nega Futbol rivojlanmasligini ochiq namunasi
Savolsiz javob. Afsus
Brat 3-oy dam oganiz yetmagan bólsa yana 1-oy sizga ruxsat formezi tiklavalin