Икарди қанча пул эвазига ПСЖни тарк этиши мумкин?

ПСЖ ҳужумчиси Мауро Икарди жорий қишки трансферлар даврида жамоасини ўзгартириши мумкин.

Sky Sports Italia нашри тарқатган хабарга қараганда, Париж клуби раҳбарияти аргентиналик футболчини 30 млн евро эвазига сотиб юборишга тайёр. Унга эса "Ювентус" асосий даъвогар ҳисобланади. Бироқ "кекса синьора" фақатгина Альваро Мората "Барселона"га ўтган тақдирдагина ушбу трансферни амалга ошириши мумкин.

Икарди жорий мавсум ПСЖ сафида жами 21 та ўйинда майдонга тушди ва 5 та гол урди. Унинг бозор нархи 28 миллион еврони ташкил этади.