Икардининг "Интер"даги ўрнини Лукаку эгаллайди

"Манчестер Юнайтед" клуби форварди Ромелу Лукаку фаолиятини "Интер"да давом эттиришга яқин турибди.

La Gazetta dello Sport нашрининг хабар беришича 26 ёшли бельгиялик футболчи “нерадзуррилар” билан 5 йиллик шартнома масаласида келишувга эришган. Агар ушбу келишув амалга ошса, у миланликлар сафида йилига 7,5 млн евро маош олади.

“Интер” Лукакуни тез орада жамоадан кетадиган Мауро Икарди ўрнига муносиб ўринбосар сифатида кўрмоқда.