Иккинчи Бекхэм бўлиши башорат қилинган йигит яна бир йилни йўқотиш арафасида турибди

2015 йилнинг 22 январь санасида Флорентина Перес ўз фаолиятидаги энг ғалати трансферлардан бирини амалга оширди. Жамоа 16 ёшлик супер иқтидор эгаси – Мартин Эдегор билан шартнома имзолади. Ўша даврда сайёрамизнинг энг кучли тинейжери саналган Эдегор аллақачон терма жамоада дебют қилган, майдон марказида ўйинни бошқариш борасида беназир бўлиши тахмин қилинган эди. Норвегия чемпионатида гол киритган энг ёш футболчи учун бутун Европа кураш олиб борган бўлса-да, якунда Перес ҳамманинг кўз ўнгида Мартинни қўлга киритди.

reflperlpfer

Орадан 6 йил ўтди. Мартин ҳали-ҳамон келажаги порлоқ футболчилар рўйхатида, бироқ «Сантьяго Бернабеу»да ўзини кўрсата олагани йўқ. Эндиликда, унинг олдида янги марра мавжуд. У мавсумни жуда ёмон бошлаган «Арсенал»да нималарга қодир эканлигини кўрсатиб қўйиши лозим.

Нима учун «Қироллик клуби»да ишлар юришмади?

Мадридга кўчиб ўтгач, Эдегор йилига 2,8 миллион евро маош олишни бошлади. Ўсмир учун шунчаки фантастик сумма. Боз устига, Флорентина Перес уни ортиқча босимдан холи қилиш мақсадида «Кастилья»да эркин тўп суришини истади. Норвегиялик футболчи ҳақида Анчелотти ўз автобиографиясида қуйидагича фикр билдирган эди:

«Перес норвегиялик болакайни харид қилдими, демак сиз буни қабул қилишингиз лозим. Мен Переснинг талабига кўра, уни асосий жамоа билан шуғулланишини ва ҳеч бўлмаганда 3 та ўйинда майдонга тушишини таъминлашим керак. Тўғриси, бу трансфер пиар учун амалга оширилган эди. Балки, у ўз даврининг энг кучли футболчиси бўлгандир, бироқ у менга керак бўлган ижрочи эмас эди.»

Бу пайтда «Реал»нинг ёшлар жамоасини бошқараётган Зидан ҳам Эдегор билан муаммога дуч келишни бошлади. Ҳафтада 5 кун профессионаллар билан машқ қилувчи футболчи дам олиш кунлари унинг жамоасида тўп сурар, яна асосий таркибдаги ўрни нақдланганини ҳис этиб турар эди. Ўз жамоасининг ички муҳитини доимо назорат қилиб боришга ўрганган мураббий Эдегорни секин-аста ўзидан узоқлаштирди. Келажакда супер юлдуз бўлиб етишиши кутилган футболчи эса, Испаниянинг 3-дивизионида 63 та ўйинда майдонга тушди ва 8 та гол киритди. Бу йилига 2,8 миллион евро маош оладиган футболчи учун ярашмайдиган статистика.

20 ёшда у қора рўйхатга кириб қолган эди, бироқ…

erkgoerkgkoer

2017 йилнинг 10 январь санасида Эдегор ижара асосида «Херенвен»га «равона» қилинди. Зидан бошқарувни ўз қўлига олиши билан Мартинни ўз режасидан тўлиқ чиқариб ташлади. Ачинарлиси шундаки, Мартин нисбатан кучсизроқ лигада ҳам ўзини кўрсата олмади. 38 та ўйинда гол+пас тизимида 7 очко ишлади холос. Унинг карьераси деярли якунланган бир пайтда, «Витесс» бошқарувини қўлига олган Леонид Слуцкий катта саҳнага чиқди. Россиялик мутахассис илтимосига кўра, Эдегорни раҳбарият клубга ижара асосида олиб келди. Айнан Леонид Слуцкий қўл остида Эдегор марказдан қанотга кўчирилди. Бу ўзгариш улкан эффект келтирди. Вундеркинд ўзининг кучли жиҳатлари саналган техника ва сўнгги пасни ижро этиш учун каттароқ масофага эга бўлишни бошлади. Мавсум якунда статистика 9 та гол ва 12 та ассист. Бундан ташқари, у ҳар бир ўйинда ўртача 3,5 та голли вазият яратишни бошлади.

fjkweijfiwejfw

Голландиядаги ажойиб мавсумдан сўнг, Эдегор ўз кучига бўлган ишончни қайтариб олди. Шу боис, яна Ла Лигага қайтди. Унинг янги жамоаси – «Реал Сосеьдад» илиқ кутиб олди. Икки йиллик ижара даврида у жамоанинг етакчисига айланди ва тўлиқ ўйин амалиётига эга бўлди. 2019/20 йилги омадли мавсумдан сўнг, Зидан уни ортга қайтаришга қарор қилди. Аҳир, Модричнинг ўрнини кимдир эгаллаши керак эдику!

kofwefkowekofwef

Зидан ўзини тиклаб бораётган футболчига ўйин амалиётини ваъда қилган эди, бироқ якунда ўз сўзини устидан чиқмади. Мартин иккинчи бор «Реал»да бефойда ва кераксиз футболчига айланди. Жорий мавсумда Зизу уни Ла Лига ўйинларида 223 дақиқадан ортиқ тўп суришига имкон бермади.

wejkfijwefjwe

Ўз-ўзидан футболчи яна ижара асосида Мадриддан узоқроққа кетишга қарор қилди. Аслида, норвегиялик ярим ҳимоячи «Реал Сосьедад»га қайтмоқчи эди, бироқ у билан шахсан Микел Артета суҳбатлашгач, у "Арсенал"га ўтишга кўнди. Катта эҳтимол билан, Эдегор ўз фаолиятидаги энг муҳим қарорни қабул қилди. Сан-себастьянликлар сафида етакчи бўлишдан кўра, барқарорлик етишмаётган «Арсенал»ни афзал кўрди.

Янги вирус сабабли оғир аҳволга тушиб қолган Британияда порлаш осон эмас. Айниқса, «Реал»даги руҳий босим туфайли бу икки ҳисса қийин бўлади. Эдегор режага кўра, майдонда Месут Ўзилнинг ўрнини  эгаллаши лозим. 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар