Икромовнинг "бенефиси"га айланган ўйинда "Бунёдкор" "Металлург"ни мағлуб этди

Ўзбекистон Суперлигасининг 15-туридан ўрин олган "Бунёдкор" ва "Метталург" жамоалари ўртасидаги ўйин ниҳоясига етди. Мазкур баҳсда "қалдирғочлар" 2:0 ҳисобида ғалаба қозонди.

Биринчи бўлимнинг сўнгги дақиқаларида "Металлург" футболчиси Станислав Андреев пенальтидан фойдалана олмади. Ҳимоячининг зарбасини Сарвар Каримов қайтарди.

Учрашувнинг 50-дақиқасида "Бунёдкор" футболчиси Фаррух Икромов ўзи бошлаган чиройли ҳужумни голга айлантирди. 71-дақиқада Икромов ўз номига ассист ёздириб қўйди. Унинг узатмасидан сўнг Миржаҳон Мираҳмадов дарвозани ишғол қилди.