Имеда Ашортиа: "Натижа бизнинг устунликка эришганимизни кўрсатиб турибди"

Маълумки, кеча “Андижон” чемпионатнинг очилиш ўйинида “Бобур арена”да “Сўғдиёна”ни 4:0 ҳисобида тор-мор келтирди. Учрашувни фаол ўтказган футболчиларимиздан бири грузиялик Имеда Ашортиа клуб матбуот хизматига ўйин ҳақидаги фикрлари билан ўртоқлашди.

“Ғалаба қозонганимиз учун Худога шукр. Шунингдек, мухлисларга ажойиб атмосферани яратишгани учун чуқур миннатдорчилигимни билдираман. Ҳаммамизга яхши маълумки, чемпионатнинг бошланиши доимо қийин кечади, осон бўлмайди.

Қайд этилган ҳисоб бизни майдонда устунлик қилганимизни, кучлигимизни ва яхши тайёргарлик кўрганимизни кўрсатиб турибди. Ғалаба учун жуда яхши ҳаракат қилдик. Бу бошланаши. Кўп меҳнат қилдик ва умид қиламанки, ушбу ғалабали юришимизни давом эттирамиз”.