Инфантино ФИФА президентлигига ўз лавозимига қайта сайланиши мумкин!
Халқаро футбол ассоциациялари федерацияси (ФИФА) амалдорлари ташкилот президенти Жанни Инфантино навбатдаги сайловларда яна иштирок этиш нияти борлигини тасдиқлади.
«Жорий йил апрель ойида ФИФА президенти 2027 йилдаги сайловларда ўз номзодини қўйишини маълум қилган эди. Бу борада ҳеч нарса ўзгаргани йўқ. Жаноб Инфантино яна бир муддатга сайланишни мақсад қилган», — дея ФИФА вакили сўзларини журналист Бен Жейкобс келтиради.
Жаҳон чемпионати якунланганидан сўнг Жанни Инфантино ФИФА мусобақаларига оид айрим тижорат ҳуқуқларини хусусий инвесторларга сотиш режаси борлигини айтган эди. Бу ташаббус футбол жамоатчилиги орасида катта баҳс ва кескин танқидларга сабаб бўлди. Қатор йирик футбол ташкилотлари ушбу ғояни қоралади. Шунингдек, айрим миллий футбол федерациялари Инфантино яна президентликка сайланмаслиги керак, деган фикрни илгари сурмоқда.
Фикрлар